Já, þetta er „um okkur“ síðan.
En þetta snýst í raun og veru allt um þig.
Engu að síður erum við fólk sem hlakkar til að mæta í vinnuna alla daga vikunnar vegna þess að við elskum það sem við gerum. Hvernig er líka annað hægt þegar við á hverjum degi hittum áhugavert og metnaðarfullt fólk, hvort sem það eru umsækjendur eða viðskiptavinir. Og þegar við náum að tengja rétta fólkið við réttu störfin – Vinnvinn.
Orðspor okkar og virðing fyrir viðskiptavininum er og verður ávallt lykillinn að farsæld okkar og því leggjum við mikla áherslu á trúnað gagnvart einstaklingum og fyrirtækjum.
Við búum yfir áratuga reynslu í ráðningum og stjórnun. Með því að sameina þekkingu okkar á ólíkum atvinnugreinum, greiningu á hæfni og persónuleika umsækjenda og stjórnenda og samspili við fyrirtækjamenningu finnum við rétta starfsfólkið fyrir viðskiptavini okkar.
Árangur og farsæld viðskiptavina og samstarfsaðila er lykilatriði í okkar velgengni og það sem við brennum fyrir. Við erum þekkt fyrir að skapa virði, veita faglega ráðgjöf og sérfræðiþekkingu.
Okkar metnaður er að viðskiptavinir kjósi okkur sem samstarfsaðila, því reynslan sýni að með okkur ná þeir bestum árangri.
Með skapandi nálgun og starfsgleðina að vopni leitum við sífellt betri leiða að bættum árangri fyrir samstarfsaðila okkar.
Við höfum þrjú grunngildi sem skilgreina hver við erum og hvað við gerum: Ástríða – Árangur – Sköpunargleði.
Auður er forvitin að eðlisfari og hefur alltaf haft mikinn áhuga á fólki og mannlegri hegðun. Metnaður, árangursdrift og lausnamiðuð hugsun eru eiginleikar sem drífa hana áfram í starfi. Það er því ekki tilviljun að hennar starfsferill hefur verið á sviði ráðninga og ráðgjafar. Auður hefur starfað við ráðningar frá árinu 1994 og aflað sér yfirgripsmikillar reynslu og þekkingar á íslensku atvinnulífi, veitt fjölda fyrirtækja, stofnana og stjórnsýslu ráðgjöf við val á starfsfólki, verkefnastýrt fjölda ráðningarverkefna, skimað þúsundir ferilskráa og komið að ráðningu hundruða einstaklinga í fjölbreytt störf. Auður hefur verið skipuð í fjölmargar ráðgefandi hæfnisnefndir vegna undirbúnings skipunar í opinber embætti hjá ráðuneytum og öðrum opinberum aðilum.
Einnig hefur hún starfað í valnefnd stjórnar Bankasýslu ríkisins vegna tilnefningar einstaklinga til setu í bankaráðum eða stjórnum fjármálafyrirtækja á forræði stofnunarinnar.
Ef þú þekkir bókina Outliers, The Story of Success, sem Malcolm Gladwell skrifaði þá veistu að til að skara fram úr og slá í gegn verður fyrst að erfiða, læra og þjálfa í 10.000 stundir. Hilmar hefur svo sannarlega gert það og gott betur því hann hefur starfað við ráðningar frá árinu 1998. Hans sérsvið er stjórnendaleit og mönnun stjórna. Hilmar hefur byggt upp gríðarlega gott tengslanet og mikla reynslu á markaði. Hann hefur áunnið sér góð tengsl við íslenska stjórnendur og fagfjárfesta sem eru að leita að stjórnendum.
Hann hefur starfað fyrir fjöldann allan af fyrirtækjum í öllum atvinnugeirum og á opinberum markaði, komið að ráðningum forstjóra og lykilstjórnenda margra stærstu fyrirtækja landsins og ráðningu starfsmanna í stærri sem minni fyrirtækjum. Einnig hefur Hilmar mikla reynslu af vinnu fyrir stór íslensk fyrirtæki á alþjóðamörkuðum.
Jensína hóf störf við ráðningar árið 1997 þegar hún kom að stofnun Ráðningarþjónustu Gallup, síðar Capacent, þar sem Auður og Hilmar störfuðu um árabil. Jensína hefur verið viðloðandi stjórnun og starfsmannamál – þar á meðal ráðningar – allar götur síðan, síðast sem Associate Partner hjá alþjóðlega ráðgjafafyrirtækinu Valcon. Jensína var framkvæmdastjóri Global Strategic Planning og HR hjá Alvogen frá 2015–2018, framkvæmdastjóri þróunar og mannauðs hjá Landsbankanum 2010–2015 og forstöðumaður sölu á einstaklingssviði Símans 2007–2010.
Jensína hefur mikla reynslu af stefnumótun og innleiðingu stefnu og þekkir mjög vel hvað vel mönnuð teymi skipta miklu máli í framgangi fyrirtækja. Hún hefur unnið með og stýrt teymum stjórnenda í Skandinavíu, Asíu, Norður-Ameríku og Austur-Evrópu og tekið þátt í mönnun sérfræðinga og lykilstjórnenda viðsvegar um heiminn. Hún hefur mjög sterk tengsl við atvinnulífið á Íslandi og hefur verið í stjórn Viðskiptaráðs frá því í febrúar 2024. Jensína var í stjórn Íslandssjóða 2016–2026 og í stjórn Haga 2020–2026. Hún hefur verið formaður tilnefningarnefndar Símans frá 2018 og formaður tilnefningarnefndar VÍS, nú Skaga, frá 2020.
Með yfir áratugsreynslu í mannauðsmálum og ráðningum hefur UnnurÝr unnið með fyrirtækjum að því að finna, velja og þróa öflugt starfsfólk. Húnhefur sérstakan áhuga á því hvernig fyrirtæki byggja upp öflug teymi og trúirþví að farsælar ráðningar byggi á góðum skilningi á hlutverki, menninguvinnustaðarins og því hvað þarf til að fólk nái árangri saman.
Áður en Unnur hóf störf hjá Vinnvinn starfaði hún sem sérfræðingurí ráðningum hjá CCP Games og síðar sem mannauðsstjóri hjá Lucinity og TrebleTechnologies. Þar bar hún ábyrgð á mannauðsmálum og ráðningum og vann náið meðstjórnendum að uppbyggingu teyma og ráðningum sérfræðinga og stjórnenda íalþjóðlegu starfsumhverfi. Samhliða störfum sínum hefur hún tekið virkan þátt íþróun mannauðsmála sem faggreinar og situr í stjórn Mannauðs, félagimannauðsfólks á Íslandi.
Bjarki hefur brennandi áhuga á mannauðsmálum og því að hjálpafyrirtækjum að finna fólk sem nær að blómstra í starfi. Hann trúir því að góðarráðningar byggi á fagmennsku, gagnadrifinni nálgun og góðum skilningi á bæðifólki og rekstri.
Bjarki lauk B.Sc.-gráðu í sálfræði frá Háskólanum í Reykjavík áðuren hann hélt áfram námi í mannauðsstjórnun og vinnusálfræði við sama skóla.Samhliða meistaranáminu hóf hann starfsnám hjá Öryggismiðstöðinni þar sem hannfékk tækifæri til að taka þátt í fjölbreyttum mannauðsverkefnum og byggja uppdýrmæta starfsreynslu. Að námi loknu var hann fastráðinn og leiddi m.a.innleiðingu rafrænnar fræðslu innan fyrirtækisins. Á næstu árum þróaðiststarfssvið hans áfram og færðist yfir á markaðssvið, þar sem hann starfaði í sexár og sinnti fjölbreyttum verkefnum á sviði markaðs-, samskipta- ogmannauðsmála.
Í störfum sínum hefur Bjarki þróað sterka greiningarhæfni og hefursérstakan áhuga á að greina gögn, bæta ferla og styðja við upplýstaákvarðanatöku. Hann leggur áherslu á vönduð vinnubrögð, traust samskipti og aðskapa jákvæða upplifun fyrir bæði fyrirtæki og umsækjendur í gegnum alltráðningarferlið.
Átján ára gamall flutti Bjarki á Vestfirði þar sem hann spilaðifótbolta, vann og öðlaðist dýrmæta lífsreynslu. Í dag nýtur hann þess að verjatíma með fjölskyldunni, hreyfa sig, horfa á og sprikla í fótbolta samhliða þvíað verða spilhæfur í golfi.
